photo : Normandie Héritage
La petite ville de Saint-Sauveur, qui s'élève sur les bords de l'Ouve, au milieu d'une des plus larges et des plus vertes vallées du Cotentin, montre avec un certain orgueil les ruines de deux établissements qui ont eu leurs jours de gloire et dont le nom revient souvent dans les annales religieuses et militaires de la Normandie:
Une abbaye, fondée sous le règne de Guillaume le Conquérant et détruite à la fin du dernier siècle, mais que notre génération a vu renaître et qui brille aujourd'hui d'un aussi vif éclat qu'aux plus beaux temps du moyen-âge.
Un château, qu'ont possédé les plus illustres barons de la Normandie, les Néel, les Taisson, les Harcourt, et sur lequel s'est plus d'une fois fixée avec une inquiète sollicitude l'attention de la France toute entière.
Saint-Sauveur paraît pour la première fois dans l'histoire à la fin du 10e siècle. C'était dès lors la résidence d'un des plus puissants vassaux du duc de Normandie, le principal château du vicomte à qui était confiée l'administration du Cotentin, et dont le titre s'est maintenu jusqu'à nos jours dans le nom de Saint-Sauveur-le-Vicomte.
Cette entrée en matière est empruntée à Léopold Victor Delisle qui prodit, à ma connaissance la plus complète descriptions des seigneurs de Saint-sauveur en relatant en détails les évènements qui ont jalonés la vie du château.
Nous apprenons dans le détail, au travers de huit chapitres très documentés, quelles sont les familles et les évènements de la vie de Saint-Sauveur et du château que je vous livre sous forme de points de repères :
J'utilise le terme anecdote non par manque de respect pour l'histoire, mais bien plus pour le contexte de cette présentation forcement décousue d'un édifice et d'une période historique très grande qui nécessiterait plusieurs ouvrages pour être convenable.
En guise d'illustration vous trouverez ci dessus une copie d'un acte de capitulation passé le 25 mars 1418. Vous noterez les détails figurant dans cet acte portant sur toutes les préoccupations possibles a l'issue d'un siège et portant sur le devenir des hommes, des femmes, de la nourriture, des armes, des prisonniers etc ...
La transcription se veux aussi fidèle que possible, la lecture est donc parfois délicate.
Cy enssuyt le poyntement dit, traictié et accordé le XXVe jour de mars, l'an mil CCCC et dix huit, par entre nous Johan de Robessart et Guillaume de Beauchamp, chivalers, commis par le très hault et puissant prince nostre très redoubté seigneur le duc de Gloucestre, d'une part, et d'autre part noble homme mons. Robert de Fréville, chivaler et capitaine du chastel de Seint Sauveur le Visconte. Est dit, traictié, promis et accordé, tant de l'une part comme de l'autre, par le fourme et manère qui ensuyt :
Primèrement est dit et accordé que le dessus dit mons. Robert de Fréville, chivaler, par le consentement de touz les chivalers et escuiers de sa ditte garnisoun et fortresse, que il rendra ès mains de nostre très redoubté seigneur le duc de Gloucestre, ou ès mains de ses commis, le dessus diz chastel et fortresse de Seint Sauveur le Visconte, nostre dit seigneur à le recevoir, pour et en nom du roy son souverain seigneur et frère, sur laquelle rendue notre dit très redoubté seigneur y ferra mettre tiel garnisoun ou dit chastel et fortresse come il lui plaira.
Et quant est du terme et de jour de la dite rendue, mons. Robert de Fréville, chivaler et capitaine du dit lieu lui soubmettra d'icellui jour et terme à la grace, volenté et boun plaisir du roy nostre souverain seigneur et de nostre dit très redoubté seigneur le duc de Gloucestre.
Item est dit, traittié et accordé que le dessus dit capitaine, les chivalers et escuiers de la ditte garnison qi s'en voudront partier le jour de la rendue de la ditte fortresse, partiront franchement, lour corps saufs, avecques lour chevaulx, armures et tous lour autres biens propres queconques, hors mys lour artielerie et les autres armures que proprement sont ordonnez pour l'esteuf, défense et sauf garde du dit lieu, duquelle artielerie le dessus dit capitaine promettra, sour sa foye et honnour, que entre cy et l'eur de la rendue n'en serra fait ne souffre estre fait nullz bruilleries, romperies, transportementz ne autre distraction queconques. Et sy est entendu que les dites artieleries sont arcs, flèches, arbalestres, viretons, baudoux et autres abillementz pour arbalestres, canons, poudres et tout autre manère de trait et abillementz de guerre, qui présentement sont et ont esté ordennez pour la saufgarde du dit chastel et fortresse de Seint Sauveur le Visconte.
Item est dit, traictié et accordé que les vivres qi sont eu dit chastell demoureront le jour de la dite rendue en la dessus dite forteresse, et ovecque ce promettra le dit mons. Robert de Fréville, chivaler, comme dessus, que d'icelles ne sera fait ne souffert estre fait entre cy et le jour de la rendue transportement ne autre distruction queconque, mès en useront les dessus dits d'iceulx vivres raisonablement et comme ils fesoient et souloient faire au devaunt de ceste prcsente composition.
Item soit tenuz le dessus dit cappitaine mons. Robert de Fréville , chivaler, de faire assembler en une seule maisoun, dedens la ditte fortresse, encontre l'eure de la rendue, tout l'artielerie d'icelle.
Item pareillement est dit et accordé que les dames et damoiselles et tous autres dedens la ditte fortresse partiront le jour de la rendue, lour corps sauf, ovecque lour biens propres queconques, bors mys comme dessus.
Item est dit, traittié et acordé que les dessus dit capitaine et gentilz hommes, chivalers, escuiers et autres de la ditte garnisoun promettront que, le jour de la rendue dudit chastell de Saint Savour le Visconte, bailleront et rendront au commis de nostre dit très redoubté seigneur le duc de Gloucestre toutz les prisonners anglois soubgiés, vassaulx , obéissans et autres tenans la partie d'Engleterre, qi présentement sont en dit chastell de Seint Sauveur le Visconte, ou aillours, en leurs soubgections ; soit entendu que, s'aucuns prisonners comme dessus soient par ceulx de la ditte garnisoun transportez ou envoiez hors, qu'ils les renvoyront quérir, en faisant plaine deliverance d'iceulx prisoners.
Item pareillement seront et sont tenuz tous les dessus dits de la ditte garnisoun de franchement acquiter tant les dessus dits prisoners que leurs plèges, sans ce q'acune empeschement aus ditz prisoners soit mys à present ne en temps à venir, soit par sommer, requérir ou demander, mès finablement tous ceulx de la ditte garnisoun de renoncer tant as dits prisonners que à leurs plèges, tous leurs foiez, promesses et serementz qu'ils puissent avoir faitz à cause de leur prinse, et ce soit fait et accompli sanz fraude ou mal engin.
Item sont tenuz les dessus dits capitaine mons. Robert de Fréville, chivaler, et les chivalers, escuiers et gentilx hommes de la ditte garnisoun et fortresse d'en promettre que, au jour de la rendue du dit chastel de Saint Sauveur le Visconte, bailleront et feront bailler aus commis de nostre dit très redoubté seigneur de Gloucestre tous les renyés anglois natifs, galoys, yroys et gascoins qi autreffois ont tenu la partie d'Engleterre, et toutz aultres qui autreffois ont fait obéissance au roy de France et d'Engleterre nostre souverain seigneur, si aucuns présentement en y a eu dit chastel de Seint Sauveur le Visconte.
Item est traittié et accordé que le dessus dit capitaine et autres de la dite garnison deit promettre, sur leurs fois et honneurs, que, entre cy et l'eur de la rendue de le dessus dit chastel, pour nulle manère des requestes, mandementz ne commandementz, ne recevront ne ne soutireront estre receux dedens la ditte fortresse de Seint Sauveur le Visconte nulle puissance ne compaignie de gens d'armes ne de trait, synon seullement ceulx qi présentement sont ou dit chastel.
Item seront tenuz le dessus dit capitaine et tous ceulx de la garnisoun que, au jour propre de la rendue d'icellui chastell, tous ceulx qui ne voudront demourer soubz l'obéissance come dessus, partiront et vuideront du dit chastel de Seint Sauveur le Visconte dedens heure de vesprez.
Item à toutz les chivalers et escuiers , gentilz hommes et autres de la ditte fortresse de Seint Sauveur le Visconte qi voudront demourer, attendre et devenir hommes lièges et vrais obéissans et soubgiez à nostre dit souverain seigneur le roy de France et d'Engleterre, nostre dessus dit très redoubté seigneur de Gloucestre, par puissance et auctorité à luy doné du roy, soun seigneur et frère, si accordera et accorde, à tous ceulx de la condicion dessus dite, pour leur très humble soubmissioun d'obéissance tous leurs biens meubles, terres, héritages et pocessions, tant dedens ledit chastel comme dehors, hors misez les terres qui auront esté données par le roy nostre souverain seigneur devaunt ceste présente composicioun, et les dessus dits, après leur hommage et obéissance fait, en joyr et user paisiblement comme de leur propre chose et comme ils fesoient au devant de la rendue.
Item sont tenus les dessus dit capitaine et les gentilz hommes de la ditte garnison que, pour ce présent apointement bien et loiaulment entertenir, bailleront et envoyront au dessus dit nostre redoubté seigneur de Gloucestre six gentilz hommes, chivalers et escuiers des plus notables du dit chastell et garnisoun de Seint Sauveur le Visconte, comme pour hostages, lesquelz seront rebaillez audit mons. Robert de Fréville, chivaler, à l'eure de laditte rendue.
Item est dit et traictié que, pendant entre cy et l'eur de la rendue, ne sera fait de l'une partie ne de l'autre nulle guerre queconque.
Item est dit, traittié et accordé par les commis du très hault et puissant prince le duc de Gloucestre que au dessus dit capitaine, gentilz hommes et autres de la dite garnisoun et fortresse qi voudront partir le jour de la rendue, sanz vouller demourer en l'obbéissance comme dit est, de leur faire bailler plusours lettres de sauf conduyt, pour franchement partir et aller hors de l'ost du roy de France et d'Engleterre, nostre souverain seigneur, sans ce q'aucun empeschement leur soit mys, en corps n'en biens.
Et pour ceste presente appointement bien et loialment entretenir, par fourme et manère comme dessus est desclaré, ai ge le dessus dit mous. Robert de Freville, chivaler, capitaine du dit chastell de Seint Sauvour le Viscont, pour moy et ès nous de tous mes compagnons, gentilx hommes, chivalers, escuiers et autres de la ditte garnisoun et forteresse, mys à ces présentes le seel de mes armes, devaunt le dessus dit chastel de Seint Sauvour, le dit XXVe jour de mois et en l'an susdit.
(Copie rapportée de Londres par Bréquigny, à la Bibl. Imp., Collection Morcau, vol. 666, p.92.)
Suite à la capitulation ilustrée par l'acte qui précède il faudra attendre 1450 pour que le château change de main.
Après tous ces faits d'armes, nous puisons l'histoire du lieu dans le Guide pittoresque du voyageur en France de Girault de Saint-Fargeau qui nous livre les faits marquants jusqu'a la révolution :
Présentation réalisée suite au partage de photos de Normandie Héritage.
photo : Normandie Héritage
photo : Normandie Héritage